Comataidh Sgrùdaidh is Dearbhaidh

Tha Comataidh Sgrùdaidh is Dearbhaidh air a h-ùghdarrachadh le MG ALBA a bhith a’ sgrùdadh obair sam bith taobh a-staigh a cumhachan iomraidh. Tha ùghdarras aig a’ Chomataidh fiosrachadh sam bith air am bi feum iarraidh bho neach-obrach sam bith agus thathar ag iarraidh co-obrachadh bhon h-uile neach-obrach le iarrtas reusanta sam bith a nì a’ Chomataidh. Tha a’ Chomataidh cuideachd air a h-ùghdarrachadh le MG ALBA molaidhean a thoirt seachad air cùisean co-cheangailte ri tuarastal luchd-obrach na buidhne.

Stèidheachadh agus Ballrachd

  • Coinneachadh dà uair co-dhiù gach bliadhna agus aon uair air a’ char as lugha le sgrùdairean bho muigh.
  • Coinneachadh aon uair co-dhiù gach bliadhna mar Chomataidh Tuarastail.
  • Feumaidh co-dhiù 3 buill de MG ALBA a bhith air a’ Chomataidh Sgrùdaidh is Dearbhaidh agus gun Chathraiche MG ALBA no comataidh sam bith eile MG ALBA a bhith air gin dhiubh.
  • Feumaidh aon bhall co-dhiù den Chomataidh Sgrùdaidh is Dearbhaidh a bhith eòlach air obair ionmhasail no faodar comhairleach ionmhais neo-eisimeileach a cho-thaghadh.
  • ’S e ball den luchd-obrach a bhios na rùnaire air a’ chomataidh.

Tha raon-ùghdarrais Comataidh Sgrùdaidh is Dearbhaidh a’ gabhail a-staigh:

  • breithneachadh air in-smachd, poileasaidhean cunntasachd agus sgrùdadh bhon taobh a-muigh
  • dearbhadh gu bheil poileasaidhean, dòighean-obrach agus siostaman freagarrach, a rèir riatanasan reachdail agus builichte gu h-iomchaidh
  • measadh air cunnartan agus èifeachdas MG ALBA fhèin
  • ath-sgrùdadh ullachaidhean peinnsein co-dhiù gach trì bliadhna
  • barrantachadh neach-comhairleachaidh ionmhais neo-eismeileach airson in-sgrùdadh, ma chìthear iomchaidh
  • a’ sgrùdadh agus a’ moladh chun a’ Bhùird Plana Ghnìomhachais na buidhne gach bliadhna, a’ gabhail a-steach phlanaichean luchd-obrach agus tuarastail
  • cumail sùil air gnothaichean co-cheangailte ri fastadh, leigeil seachad dreuchd neo pàigheadh dheth
  • ath-sgrùdadh chumhachan is chùmhnantan obrach

Aithisgean

Bidh an luchd-obrach a' cuartachadh geàrr-chunntasan na Comataidh gu gach ball de MG ALBA.

Buill
Donnchadh MacAonghais (Cathraiche)
Gòrdon MacIllinnein
Shona NicIllinnein