Comataidh Ro-innleachd agus Poileasaidh
Stèidheachadh agus Ballrachd
- Coinneachadh co-dhiù dà uair gach bhliadhna
- Ballrachd: Cathraiche, Àrd Oifigear, buill eile de MG ALBA nach eil nam buill de chomataidh MG ALBA sam bith eile. Gabhaidh am ballrachd a-steach cuid de na buill riochdachail.
- 'S e ball den luchd-obrach a bhios na rùnaire air a' Chomataidh.
Ùghdarras
Tha a' Chomataidh ùghdarraichte le MG ALBA a bhith a' cur air dòigh ro-innleachd aig ìre àrd agus a' dealbh, ag ath-sgrùdadh agus a' moladh poileasaidhean agus cleachdaidhean gus am faigh iad air na h-amasan ro-innleachdail a choileanadh.
A thuilleadh air beachdachadh air na h-amasan ro-innleachdail iomlan nì a' Chomataidh cuideachd measadh air na prionnsabalan a tha a' riaghladh raointean obrachaidh mar maoineachadh, pròiseactan, trèanadh, goireasan, seirbheisean bho muigh, feuman luchd-cleachdaidh agus dàimh luchd-earrainn.
Dleastanasan
Tha raon-ùghdarrais Comataidh Ro-innleachd agus Poileasaidh a' gabhail a-staigh:
- Suidheachadh agus prìomhachadh ro-innleachdan a bheir cothrom don MG ALBA amasan geàrr-ùine agus fad-ùine na buidhne a choileanadh
- Dèanamh cinnteach gu bheil poileasaidhean freagarrach air an ullachadh agus gum bi siostaman gnìomhach air an stèidheachadh airson an cur an gnìomh
- Dèanamh cinnteach gu bheil cuairt-phlanaidh freagarrach air a stèidheachadh gus an soirbhich iomairtean ro-innleachdail
- Cumail sùil air èifeachdas modhan-obrach ro-innleachdail.
Aithisgean
Bidh an luchd-obrach a' cuairteachadh geàrr-chunntasan na Comataidh gu gach ball de MG ALBA.
Buill
Alasdair Moireasdan (Cathraiche)
Dòmhnall Iain MacAonghais
Rob Dunbar
Dòmhnall Màrtainn
