Maoineachadh > Rèidio Gàidhlig

Cuairt Coimiseanaidh Rèidio

Chuireadh MG ALBA fàilte air tagraidhean bho chompanaidhean airson prògraman a thèid an craoladh air rèidio coimhearsnachd, ionadail is nàiseanta.

Tagraidhean
Bu chòir do na tagraidhean innse dè an cuspair air a bheilear ag amas anns a’ chuairt seo. Bu chòir dhaibh geàrr chunntas (taobh duilleig A4) a dhèanamh air gach tagradh le fios mu co a lìbhrigeas na programan agus cosgais iomlan an tagraidh. Bidh cothrom leudachadh air a seo ann an còmhradh ma bhios sin a dhìth.

Tha sinn a’ sireadh thagraidhean airson:

  1. Dràma – sreath no prògram uair a thìde air a stèidheachadh air leabhar ann an Gàidhlig. Bu chòir dhan dràma bhith a’ buntainn ri saoghal an latha an diugh agus ag amas air luchd èisteachd fo aois 40.
  2. Dràma/aithris – prògram leth-uair a thìde ag innse sgeulachd beatha chudthromach ann an saoghal nan Gaidheal.
  3. Comadaidh – prògram seachdaineil (20 seachdain) 10-15 mionaidean air a stèidheachadh air comadaidh agus aoir mu chùisean làitheil.

Ceann Là airson tagraidhean – 5 An Dàmhair, 2010 aig 1f.
Ceann Là airson co-dhùnaidhean MG ALBA – 5 An t-Samhain 2010.

Aig an ìre seo, chan eil MG ALBA den bheachd gum bi cuairt coimiseanaidh eile radio ann an 2010.

Ma tha ceist sam bith agad mu dad a tha ceangailte ris a seo, cuir fios gu: fiona.mackenzie@mgalba.com