Naidheachdan > 2008

ÀRD OIFIGEAR MG ALBA A’ TOIRT TAIC RI TAGHADH DEIREANNACH ALBA CHALLENGE CUP AN SFL

Chaidh taghadh a dhèanamh Diardaoin 11 Sultain aig Pàirc Hampden, Glaschu, airson an iar-chuairt dheireannaich den ALBA Challenge Cup aig Lìg Ball-coise na h-Alba.

Bha Dòmhnall Caimbeul, Àrd Oifigear MG ALBA, a tha a’ cur taic is ainm ris a’ Challenge Cup, an làthair airson pàirt a ghabhail san taghadh, às an tàinig na geamannan a leanas:

• Partick Thistle -v- Airdrie United
• Ross County -v- Morton

Bidh na geamannan seo san iar-chuairt dheireannaich a’ gabhail àite Didòmhnaich 12 Dàmhair 2008, agus bidh a h-uile sgioba a’ strì airson àite sa chuairt dheireannaich Didòmhnaich 16 Samhain 2008. Thèid a’ chuairt dheireannach a chraoladh air BBC ALBA, sianal telebhisean Gàidhlig na h-Alba, a bhios a’ tòiseachadh Dihaoine 19 Sultain 2008.



ALBA Challenge Cup – fo-thiotalan airson nan Dealbhan
Cluicheadair Partick Thistle, Airdrie Utd agus Morton aig taghadh iar-chuairt dheireannach ALBA Challenge Cup.
Cùl, bho chlì: Stephen Robertson, John Henry agus Kieran McAnespie
Toiseach, bho chlì: Marc Twaddle, Dòmhnall Caimbeul (Àrd Oifigear MG ALBA) agus Paul Lovering.