Naidheachdan > 2009

16 Samhain 2009

PRÒGRAMAN BBC ALBA AIR GEÀRR-LIOST DUAISEAN NA TRADS 2009

Tha BBC a cuir fàilte air naidheachd gu bheil dà phrògram bhon sianal air geàrr-liost airson Duaisean na Trads MG ALBA 2009.

Chaidh ‘A’ Gharaids’ a chaidh a riochdachadh le Studio Alba agus Bliadhna Mhath Ùr 2008, a chaidh a riochdachadh le Bees Nees ainmeachadh ann an gnè ‘Trad Music in the Media’

Hogmanay
Tony Kearney, Bliadhna Mhath Ùr

‘S e sreath phrògraman chiùil a thug seinneadairean òga Gàidhlig còmhla ri luchd-ciùil bho iomadh gnè airson coimhead as ùra air seann òrain Gàidhlig. Cuideachd bha gach prògram anns an t-sreath a’ leantainn na seinneadairean agus luchd-ciùil ‘s iad ag obair còmhla gu ìre far an robh iad deiseil airson cluich còmhla.

‘S e Bliadhna Mhath Ùr 2008 a chiad prògram den seòrsa airson BBC ALBA agus chaidh am prògram a’ sgaoileadh air BBC Radio nan Gàidheal aig an aon àm beò bho Studio Alba ann an Steòrnabhagh. Am measg na ghabh pàirt bha Tony Kearney, Morag Dòmhnallach, Na H-Òganaich agus Julie Fowlis.

Tha na prògraman Pipeline agus Take the Floor bho BBC Radio Scotland cuideachd air geàrr-liosta airson gnè ‘Trad Music in the Media’

Thuìrt Alan Esslemont, Ceann Phrògraman BBC ALBA: “Tha sinn a’ cuir fàilte air naidheachd seo mu dheidhinn na prògraman againn. Tha luchd-coimhead air feadh Alba gu math dèidheil air cèol traidiseanta agus na prògraman ciùil eile againn air BBC ALBA agus tha e mar pàirt cudromach den clàr-phrògraman”

Thèid Duaisean na Trads a ‘thoirt seachad ann an Dùn Phris air Disathairne 28 Samhain. Am measg na bhios a’ gabhail pàirt air an oidhche bith Barbara Dickson, Deaf Shepherd, Skippinnish agus Donnie Rothach.

Thèid Duaisean na Trads fhaicinn air BBC ALBA air Diluain 30 Samhain aig 10f agus a rithist air Dihaoine 4 Samhain aig 1130f.