Naidheachdan > 2010

7 Gearran 2010

MG ALBA A’ MOLADH TÀLANT ÙR AIG DUAISEAN BHLIADHNAIL FILMICHEAN GÀIDHLIG

Rinn MG ALBA moladh an diugh (La na Sabaid) air an talent ùr a tha nochdadh ann an Alba as dèidh FilmG, farpais filmichean goirid Gàidhlig air loidhne a chaidh stèidheachadh airson talent ùr a lorg.

Calum and Fiona
Calum agus Fiona, na preasantairean

Seo an dàrna bliadhna airson farpais FilmG a fhuair filmichean aig àrd ìre bho air feadh Alba agus bho thall thairis Chaidh oidhche na Duaisean FilmG a chumail ann an Eden Court, Inbhir Nis (Dihaoine 5 Gearran)

Bha Joe Thomas, cleasaiche a bhios a ‘cluich Simon Cooper ann am program comadaidh The Inbetweeners an làthair airson duaisean a’ thoirt seachad agus bha ceòl ann bho Niteworks, còmhlan a’ bhuannaich farpais Rapal air BBC Rèidio nan Gàidheal.

Joe Thomas and Donald Campbell
Joe Thomas agus Domhnall Caimbeul

Tha sinn a cur meala-naidheachd air a h-uile duine a’ bhuannaich anns an fharpais am bliadhna sa. Airson an dàrna bliadhna, tha an fharpais air filmichean fhaighinn a tha aig àrd ìre ann an gnè An Òigridh agus na h-Inbhich.

Se amas FilmG a bhith feuchainn ri tàlant a bhrosnachadh tron fharpais agus tha sinn uabhasach toilichte leis mar a chaidh dhuinn am bliadhna agus na fhuair sinn air an cuspair “Gaisgeach”. Bu mhath leam taing a thoirt don a h-uile daoine a ghabh pàirt anns an fharpais agus tha sinn an dòchas gum bith barrachd ann an ath bhliadhna. ‘S e cothrom math a th’ann airson an fheadhainn aig a bheil ùidh ann a bhith ag obair ann an gnìomhachas film ann an Alba”

FilmG winners

Chaidh na prìomh duaisean mar a leanas:

  • Dràma as Fheàrr – Eòghainn Mac a’ Ghobhainn bho Dùn Deagh le Cnap-starra Cànain. Airson fhaicinn lean an ceangal seo.
  • Cluich as Fheàrr – Ealasaid-Anna Nic a’Phipear, oileanach ann an Glaschu airson An Làtha a fhuair Gàidhlig greim air an t-saoghal. Airson fhaicinn lean an ceangal seo.
  • Film As Fheàrr – Òigridh: Àrd-Sgoil Àird na Murchan airson ‘An Texan a’ Tilleadh Dhachaidh. Airson fhaicinn lean an ceangal seo.
  • Roghainn an t-Sluaigh – Àrd Sgoil Ìle (Airson An Tùr). Airson fhaicinn lean an ceangal seo.

Tha FilmG a toirt cothroman do dhaoine. Chaidh “Siubhlachan”, film a rinn Uisdean Murray, Uibhist a Tuath agus a bhuannaich farpais FilmG an uiridh, fhaicinn aig fèisean thall thairis ann an Eilbheis agus Corea a Deas.

Airson tuilleadh fiosrachaidh thèid gu www.filmg.co.uk.