Naidheachdan > 2010

15 Òg Mhios

TÀLANT ÙR AIR BBC ALBA

Tha neach-lìbhrigidh ùr gu bhith air BBC ALBA thairis air mìosan an t-samhraidh le Kerry NicLeòid a Leòdhais a’ tòiseachadh air 10mh Iuchar.

Kerry Anne MacLeod
Kerry Anne NicLeòid, an neach-lìbhrigidh ùr a bhios aig BBC ALBA thairis air mìosan an t-samhraidh

Chaidh Kerry Anne (18) oideachadh anns an Àrd Sgoil MhicNeacail agus tha i gu bhith a’ dol don oilthigh ann an Dùn Èideann anns an t-Sultain. Tha i an dòchas obair fhaighinn anns na meadhanan ann an ùine fada agus tha i den bheachd gun ionnsachaidh i tòrr mu dheidhinn a’ ghnìomhachas le bhith ag obair còmhla ri Fiona NicChoinnich agus sgioba BBC ALBA.

Kerry Anne MacLeod and Fiona Mackenzie
Kerry Anne NicLeòid agus Fiona NicChoinnich, neach-lìbhrigidh BBC ALBA

Thuirt Kerry “Tha mi uabhasach toilichte an cothrom seo fhaighinn agus tha mi a’ coimhead air adhart gu mòr ris. Tha ùidh mhòr agam ann a bhith ag obair anns na meadhanan agus tha mi cinnteach gu bheil mi gu bhith ag ionnsachadh tòrr le bhith ag obair ri taobh Fiona agus sgioba BBC ALBA air fad”

Tha Kerry fileanta anns a’ Ghàidhlig agus bha i anns an sgioba Sgoil MhicNeacail a ‘bhuannaich Deasbad Nàiseanta BT Sgoiltean Gàidhlig ann an 2008 far an do bhuannaich duais sònraichte MG ALBA mar “Òraidiche as Èibhinn” Tha Kerry cuideachd air pàirt a’ ghabhail leis an sgoil ann FilmG, farpais Filmichean Goirid Gàidhlig far an robh i air ainmeachadh air gear-liosta airson “Cluich as Fhèarr” ann an 2009.

A cur fàilte air Kerry thuirt Alan Esslemont, Ceann Phrògraman BBC ALBA “Bha tòrr daoine as dèidh an obair seo le tàlantan aig àrd ìre agus tha sinn mar comharrachadh math airson BBC ALBA anns na bliadhnaichean a tha romhainn. Tha sinn air leth toilichte gu bheil Kerry gu bhith còmhla rinn agus tha mi cinnteach gu bheil e gu bhith mar buannachadh mòr dhith a bhith còmhla ri Fiona agus an sgioba”

As dèidh trèanadh bith Kerry a’ nochdadh air BBC ALBA airson a chiad uair air Disathairne 10mh Iuchar. Am measg na prìomh program air an sheachdain sinn bith Cuide ri Cathy le Nicola Benedetti mar aoigheachd; Trusadh- a bhios a’ coimhead air gnìomhachas saor-thoileach ann an Alba agus Bainnsean far am bith dithis ann an Southampton agus iad an dùil pòsadh ann an Uidhist a Deas bhon phrosbaig.