Naidheachdan > 2010

23 Iuchar 2010

AIR TURAS LE BBC ALBA

Bidh BBC ALBA a’ dol air turas samhraidh airson prògraman às an tasglann a thaisbeanadh sna sgìrean far an deach a chlàradh.

Bidh clàradh a’ tachairt fhad ’s a tha an turas a’ dol, le agallamhan ùra leis na daoine a bha an sàs anns na ciad phrògraman agus beachdan bho dhaoine sa choimhearsnachd.

Bidh an turas ann an Leòdhas leis an t-sreath “Midweek”, aig Ionad na Drochaid, Ceann a’ Bhàigh, Steòrnabhagh air Diardaoin 29 Iuchar 2010. Bidh dà aithris shònraichte ann a chaidh a dhèanamh ann an 1974, air stèidheachadh a’ Phàipeir Bhig agus air companaidh cluich 7:84, a’ coimhead air gluasadan poileataigeach sna 1970-an.

Agus bidh prògram “Everyman” mu dheidhinn creideamh ann an Leòdhas, “The Last Stronghold of the Pure Gospel”, a chaidh a chlàradh ann an 1979, ga thaisbeanadh Dihaoine 30 Iuchar 2010 aig Ionad na Drochaid, Ceann a’ Bhàigh, Steòrnabhagh.

Is e am prògram mu dheireadh san turas, “The Corncrake and the Croft”, sealladh air beatha agus croitearachd ann an Uibhist a Tuath a chaidh a chlàradh ann an 1977. Thèid seo a thaisbeanadh Diluain 02 Lùnastal 2010 aig Talla a’ Bhaile Chàirinis, Uibhist a Tuath.

Tha a h-uile taisbeanadh a’ tòiseachadh aig 8f, agus na dorsan fosgailte bho 7.15f. Bidh fàilte ron mhòr-shluagh aig na taisbeanaidhean, a tha saor an asgaidh, agus gheibhear tì is cofaidh as dèidh làimh.