Naidheachdan > 2010

21 Òg Mhios 2010

CUAIRT- DHEIREANNACH CUPA COMUNN CEILTEACH GLASCHU BEÒ AIR BBC ALBA

Thèid Cuairt-Dheireannach Cupa Comunn Ceilteach Glaschu aig Old Anniesland ann an Glaschu fhaicinn beò air BBC ALBA air Disathairne 26mh Òg Mhios.

‘S e seo a’ chiad geam camanachd beò a’ bhios air BBC ALBA am bliadhna sa agus ‘s e Inbhir Aora a bhios an aghaidh Kyles Athletic. Chìthear an geam air BBC ALBA air Sky 168 no air Freesat 110 a’ tòiseachadh aig 4f.

Tha an Cupa an dràsda aig Inbhir Aora agus bith an sgioba a’ sùileachadh greim a’ chumail air an aghaidh Kyles. ‘S e seo an 106mh Cuairt-Dheireannach den Cupa Comunn Ceilteach Glaschu.

Aig leth-slighe tron gheam chithear na bràithrean Garry agus Graeme Mac a’ Phearsain agus an co-ogha Daibhidh a’ bruidhinn le Garry agus Graeme a’ coimhead airson bonn Comunn Ceilteach fhaighinn airson an dàrna turas deug mus tèid Graeme a’ gluasad gu Astràilia.

Bith sgioba Spòrs aig BBC ALBA cuideachd faighinn a-mach mu dheidhinn sgioba ùr nam ban ann an Badenoch agus bith Cailean Collier a’ feuchainn ri sgilean ùr camanachd ionnsachadh.

‘S e Ùisdean Mac Illinnein, seann cluicheadair camanachd agus Ailig O’Henley a bhios a’ lìbhrigidh am prògram a’ bhios a’ tighinn a Old Anniesland ann an Glaschu.

Airson an dàrna bliadhna bith Fèis Spòrs a’ dol air adhart ron gheam far am bith clann sgoile bho sgoiltean Gàidhlig a’ faighinn cothrom diofar tachartasan fheuchainn leis a h-uile càil a’ tachairt tron Ghàidhlig. Tha an Fhèis a’ ruith le Comunn Ceilteach Glaschu an co-bhanntachd le Comunn na Camanachd le taic bho MG ALBA.

Thairis air mìosan an t-samhraidh bith ceithir geam beò air BBC ALBA mar a leanas:

  • Cuairt-Dheireannach Cupa Marine Harvest – Disathairne 3 Iuchar
  • Cuairt-Dheireannach Cupa Baillie Mòr - Disathairne 17 Iuchar
  • Cuairt-Dheireannach Cup an t-Sutharlanaich – Disathairne 31 Iuchar

Thèid prògraman na camanachd a’ riochdachadh le mneTV airson BBC ALBA.