Naidheachdan > 2010

28mh Dàmhair 2010

TRIAL & RETRIBUTION AIR AN EILEAN SGITHEANACH

Thug cleasaiche cliùiteach taic do bhùth-obrach ‘Beul a’ Chamara’ a chaidh a ruith eadar FilmG agus an RSAMD aig Sabhal Mòr Ostaig bho chionn goirid.

David Hayman at the FilmG workshop in Skye

Fhuair dà dhuine deug an cothrom sgilean cleasachd ionnsachadh ann an cuideachd an sàr chleasaiche David Hayman, a thàinig gu aire a’ mhòr-shluaigh leis a’ charactar DCI Walker bhon t-sreath TBh ‘Trial & Retribution’.

Bha an cothrom aig na h-oileanaich sgilean preseantaidh a thoghail cuideachd, cuide ri an tè-ealanta Mòrag Stiùbhart, riochdaire na companaidh neo-eisimeilich ‘Sealladh’, a tha stèidhichte aig a’ Cholaiste.

Chuir Sabhal Mòr Ostaig fàilte air sàr chleasaiche air an deireadh seachdain seo chaidh aig bùth-obrach Beul a’ Chamara a chaidh a ruith le FilmG agus an RSAMD. Fhuair dà dhuine dheug an cothrom sgilean cleasachd a thogail ann an cuideachd David Hayman, a thainig gu aire a’ mhòr-shluaigh leis a’ charactar DCI Walker bhon t-sreath TBh ‘Trial & Retribution'. Cuideachd, bha an cothrom aca sgilean preseantaidh a thogail cuide ri Mòrag Stiùbhart, riochdaire na companaidh neo-eisimeilich ”Sealladh” a tha stèidhichte aig a’ Cholaiste fhèin.

’S e co-fharpais nam filmichean goirid aig MG ALBA a th’ ann am FilmG, air a stiùireadh le Cànan, le na filmichean agus tuilleadh fiosrachaidh rim faighinn aig www.filmg.co.uk.

David Hayman at the FilmG workshop in Skye

’S e miann na farpaise tàlant chruthachail ùr a lorg anns na meadhanan Gàidhlig. Mar phàirt den cho-fharpais, tha sgioba FilmG air a bhith a’ ruith bùithtean-obrach air gach taobh de dh’ fhilmeadaireachd. Bhon a thòisich na bùithtean-obrach san Iuchair, tha 78 daoine air pàirt a ghabhail annta, ann an iomadach àite air feadh Alba, agus ann an sgilean bho leasachadh sgeulachd, stiùireadh agus preseantadh gu obair camara, fuaim agus gearradh.

Tha FilmG fosgailte gu duine sam bith nas sine na 12, cho fad ‘s nach eil creideas craolaidh stiùiriche neo riochdaire aca mar-thà. ‘S e ‘Làmh an Uachdar’ cuspair na bliadhna seo agus a’ cho-fharpais a’ dùnadh air an 19mh den t-Samhain 2010.

Ged a tha na bùithtean-obrach a-nis deiseil, tha cuideachadh agus stiùireadh fhathast rim faighinn air làrach-lìn FilmG aig www.filmg.co.uk, agus ma bhios duine sam bith airson tuilleadh fiosrachaidh fhaighinn faodaidh iad post-d a chur gu fios@filmg.co.uk no fòn a chur gu Helen air 01471 888 513.