9 Dùbhlachd 2008
SEAR GU SIAR
PÀIRT A CEITHIR – NA H-ÌNNSEACHAN
Bidh an earrann mu dheireadh de Sear gu Siar air BBC ALBA a’ leantainn Derek Mac Illeathain, 21 à Inbhir Nis agus Deirdre Ghreumach, 23 às an Eilean Sgitheanach fhad ‘s a tha iad a’ cur eòlas air na h-Ìnnseachan, ceann-uidhe a tha a’ toirt ionnsaigh air gach faireachdainn agus a tha na fhìor chlisgeadh cultarach.
Rè an turais, tha Derek agus Deirdre a’ dol an lùib pròiseact coimhearsnachd ann an stàite Himachal Pradesh de Himalaya, far a bheil iad a’ faighinn eòlas cultarach a tha, an dà chuid fìor agus taitneach. Ag amas air goireasan poblach a leasachadh ann am baile dùthchail agus air aire a thogail gu cùisean sòisealta cudromach, tha iad a’ gabhail pàirt san obair shàsachail a bhith ag ath-leasachadh sgoil-àraich bhochd.
Nan saor-ùine tha iad an sàs ann am bùthan-obrach co-cheangailte ri cultar Ìnnseanach, a’ gabhail a-steach còcaireachd, iòga agus taoisneadh-bodhaige. Mar a tha iad a’ dol air adhart a’ cur eòlas air fìor chultar nan Ìnnseachan dhaibh fhèin agus ag eadar-obrachadh le muinntir na sgìre agus le clann, tha a’ phròiseact seo ga dearbhadh fhèin mar eòlas a tha cruaidh ach a dh’aindeoin sin, drùidhteach.
A thuilleadh air an obair ann an Himachal, tha Derek agus Deirdre a’ gabhail cuairt gun Taj Mahal agus Amritsar, am baile as cràbhaiche a thaobh creideamh nan Sikh agus a’ tadhal air an Teampall Òir, gu cultarach, an t-àite adhraidh as cudromaiche dha na Sikhs.
Tha iad cuideachd a’ frithealadh na cuirme neònaich is fhuaimniche a tha a’ gabhail àite gach feasgar ann an Attari, a tha gu samhlachail a’ dùnadh na h-aon crìche rathaid eadar na h-Ìnnseachan is Pacastan airson na h-oidhche.
Le tursan fada trèana tron latha is tron oidhche agus a’ faighinn eòlas air cultar is biadh eadar-dhealaichte tha an luchd-dùraigidh ag ionnsachadh a’ cheart uimhir mun deidhinn fhèin agus a tha iad mun dùthaich iongantaich seo.
Tha criomagan bhidio agus dealbhan mu thuras Derek agus Deirdre, a thuilleadh air an clàr-siubhail agus an leabhraichean-là rim faicinn air an làraich-lìn www.seargusiar.com còmhla ri fiosrachadh a bharrachd mun t-sreath.
Thèid Sear gu Siar, a chraoladh air BBC ALBA air Diciadain 17 Dùbhlachd aig 21:00 agus gheibhear e air sianal 168 Sky & sianal 110 Freesat. Thèid am prògram ath-chraoladh air BBC ALBA air Diardaoin 18 Dùbhlachd aig 22.30.
Airson tuilleadh fiosrachaidh cuiribh fios gu Lorna Inglis aig Taigh nam Meadhanan air 0141 220 6040 / lorna@mediahouse.co.uk
Notaichean Luchd-deasachaidh:
’S e MNE Media, aon de shàr chompanaidhean neo-eisimeileach na h-Alba a dheasaich Sear gu Siar dha BBC ALBA. (Airson tuilleadh fiosrachaidh rachaibh gu www.mnemedia.tv)
Gheibhear BBC ALBA air sianal 168 Sky agus air Freesat sianal 110. (Airson barrachd fiosrachaidh faicibh www.bbcalba.co.uk)
Thathas an dùil gum bi BBC ALBA ri fhaighinn air càball an ceann ùine. An urra ri sgrùdadh le Urras a’ BhBC, bidh BBC ALBA ri fhaighinn air Freeview nuair a thèid atharrachadh gu seirbheis dhidseatach ann an 2010.
Airson tuilleadh fiosrachaidh mu ruigsinneachd BBC ALBA rachaibh gu ar làrach-lìn: www.mgalba.com.
Tha MG ALBA agus am BBC air co-bhann a stèidheachadh airson seirbheisean telebhisein didseataich, rèidio agus air-loidhne a lìbhrigeadh sa Ghàidhlig. Bithear a’ craoladh seirbheis BBC ALBA fo chead BBC. Gus tuilleadh fhaighinn a-mach mu obair a’ chom-pàirteachais rachaibh gu www.mgalba.com.
’S e MG ALBA ainm obrach Sheirbheis nam Meadhanan Gàidhlig, a tha maoinichte le Riaghaltas na h-Alba agus fo riaghladh Ofcom. Tha an t-ainm MG ALBA a’ seasamh airson Meadhanan Gàidhlig Alba.