DÒMHNALLAICH NA FRAINGE AIR BBC ALBA
BBC ALBA, Diardaoin 29 Giblean, 9f
Sgeulachd do-chreidsinneach. Fireannach a sàbhaladh prionnsa bhon a bhas – agus e fhèin a’ bàsachadh ann am bochdainn ann an dùthaich cèin, ach a’ mhac an uairsin ag èirigh gu beartas is cliù san dearbh dhùthcha.
Air a’ lìbhrigidh le Iain Moireasdan, tha ‘Dòmhnallaich na Frainge’ air BBC ALBA air Diardaoin 29 Giblean aig 9f a’ rannsachadh an dearbh sgeòil; co iad an t-athair agus am mac seo aig an robh pàirt cudromach ann an eachdraidh Gàidhealtachd na h-Alba agus a Fhraing?
Rugadh Niall MacEacharna anns a Hò beag, Uidhist a Deas ann an 1719 agus dh’ èirich e gu bhith mar fhear-taic cudromach don Phrionnsa Teàrlach, ga chuideachadh gus teicheadh le bheatha a Alba. Ged a bhàsaich Niall MacEacharna ann an 1788 anns a’ Fhraing agus e cha mhòr gun sgillinn ri ainm, cha b’e sin a bha an dàin do mhac.
B’ esan Jacque Etienne Alexander MacDonald agus cha robh e fada mus do ràinig e àrd - ìre ann an airm na Frainge a’ cosnadh inbhe Marshal. Bha eachdraidh cuideachd air a shnìomh ri eachdraidh Napoleon.
Ann an 1825, thill Marshal MacDonald air ais a dh’Alba far an d’fhuair e fàilte bhlàth chridheil bho gach duine a choinnich ris. Bàsaich e ann an 1840 agus tha e air a thìodhlacadh ann am Paris.
Tha an ath-chraoladh seo den a phrògram a’ chaidh a’ riochdachadh le Caledonia TV a’ tachairt mar a tha sreath de thachartasan a’ gabhail àite ann an Uidhist a Deas airson na ceangalan eadar na Dòmhnallaich seo, Uidhist agus a’ Fhraing a’ chomharrachadh. Am measg na bhios a’ tachairt bith foillseachadh air càrn cuimhneachaidh, leabhar ùr, cèilidh, agus co-labhairt.