Bheil fìor ùidh agad ann an TBh Gàidhlig – air beulaibh no air cùlaibh a’ chamara? Ag iarraidh fiosrachadh air mar as urrainn dhut obair a thòiseachadh airson an t-sianail dhidseataich Ghàidhlig ùir, BBC ALBA?
Carson nach feuch thu?
FilmG
Tha a’ cho-fharpais fhilmichean goirid Gàidhlig an-dràsta fhèin a’ tabhann bhùithtean-obrach do dh’inbhich cho math ri bùithtean-obrach do dh’òigridh a bhios a’ gabhail a-steach gach sealladh de dhèanamh fhilmhichean bho sgrìobhadh sgriobtaichean is riochdachadh gu obair-chamara is deasachadh. Leig fios thugainn a-nis gus d’ àite-sa a ghleidheadh! Theirig gu làrach-lìn FilmG airson a’ chòrr.
Diplòma Ioma-mheadhanach an Sabhal Mòr Ostaig
Choisinn Diplòma Ioma-mheadhanach an t-Sabhail Mhòir cliù tro na bliadhnaichean airson oileanaich ionnsachadh a tha mion-eòlach air riochdachadh TBh na iomadh dreuchd is iad a’ gleidheadh chosnaidhean soirbheachail sa ghnìomhachas air dhaibh ceumnachadh. Tha ullachadh a’ chùrsa air a leasachadh gu mòr air sgàth fosgladh FÀS le stiùidio ioma-ghnìomhach agus uidheamachdan ùr-ghnàthach riochdachaidh is deasachaidh.
Tadhail air làrach-lìn Shabhal Mòr Ostaig airson fiosrachaidh.
Trèanadh do Luchd-obrach Neo-cheangailte
Brùthaibh an seo airson fiosrachadh air sgeama ùir trèanaidh MG ALBA airson daoine tha ag obair air an cinn fhèin.
Goireasan feumail eile
Foirm-tagraidh Freelancers
Cùl-fhiosrachadh
Trèanadh sa Choimhearsnachd
Tha MG ALBA cuideachd a’ toirt maoineachadh do chothroman trèanaidh ùra sa choimhearsnachd.