NAIDHEACHDAN AN TREAS LA BHO NA GEAMANNAN EILEANACH

Tha e miorbhaileach tòiseachadh leis an naidheachd mu bonn òr Eilidh NicChoinnich a bhuannaich i anns an 1500m. Seo sùil eile air na farpaisean eile a bha a’ gabhail àite an-diugh (Dimàirt). Ach tha gu leòr naidheachd mhath eile agam cuideachd!

As dèidh mar a chaill Sgioba Ball-coise nam Fear 5-0 an aghaidh Eilean Mhanainn a-raoir, sheall ar balaich cho gaisgeil sa tha iad a-nochd. Bhuannaich iad 7-1 an aghaidh na Falklands le tadhail bho Eachann Mac-a-Phì, Mìcheal MacAoidh, Màrtainn MacIlleathain, agus dà thadhal an duine do Andy Moireach agus Dan MacPhàil. Bhuannaich Sgioba nan Eilean Siar dhà a-mach à trì de na geamannan aca, ach bhuannaich Eilean Mhanainn na trì geamannan aca agus tha sin a’ ciallachadh gur e iadsan a thèid troimhe chun na cuairtean mu dheireadh. Chan eil iad air ainmeachadh fhathast an ann airson an còigeamh no an t-seachdamh àite a bhios balaich nan Eilean Siar a strì. Thuirt Co-Mhanaidsear na Sgioba:
“Tha mi gu math moiteil às na balaich agus rinn iad fìor mhath tilleadh air ais a-nochd as dèidh mar a chaidh dhaibh a-raoir an aghaidh Eilean Mhanainn. Tha iad air sealltainn deagh sheasamh as na geamannan a chluich iad agus tha mi gu mòr an dòchas gum bidh sinn a’ cluich airson a’ chòigeamh àite, no an t-seachdamh àite. Bha e follaiseach gu robh na sgiobaidhean as am farpais seo a’ cluich aig sàr àrd ìre agus bha duilgheadasan againn an t-seachdain a chaidh leis mar a chaill sinn dithis a chaidh an leòn. Ach tha mi toilichte dha rìreabh leis mar a tha a h-uile duine aca air iad fhèin a’ ghiùlain".

An làthair aig a’ gheama bha dithis bho Bòrd an New Federation an Rìanaiche aca, Jean-Luc Kit agus an Iar Neach-Gairm Cristophe Croze a tha cuideachd na àidseant ball-coise ann an Fhionnlainn. Tha Bòrd an NF air a bhith stèidhichte o 2003 agus 's iad a tha air cul Cupa VIVA na Cruinne agus ‘s an àm ri teachd thathar an dòchas gum bidh iad ag obair le Comunn na Geamannan Eileanach gus dèanamh cinnteach gu bheil farpais ball-coise eadar-nàiseanta a’ gabhail àite gach bliadhna. Bha iad toilichte dha rìreabh leis an ìre cluich aig balaich nan Eilean Siar gun tug iad cuireadh seachad dhaibh a thighinn gu farpais eadar-nàiseanta ann an Gozo ann am Malta an ath bhliadhna. Bidh iad an làthair an ath-oidhche airson Sgioba nan Eilean Siar fhaicinn a’ strì airson a’ chòigeamh no an seachdamh àite. S e deagh naidheachd a tha seo do na h-Eileanan Siar agus ged a tha còmhraidhean fhathast aig tràth ìre thathar an dòchas gu bheil seo na dheagh chothrom dha na balaich a bhith a’ cluiche aig ìre eadar-nàiseanta.

Ann am farpais ball-coise nam ban bha Sgioba nan Eilean Siar an aghaidh an Isle of Wight agus gu dearbha ‘s iad ar clann nighean bha na bu làidire tron gheama. Ach ‘s iad an Isle of Wight a ghlèidh na trì puingean as dèidh breab peanais as a’ chiad leth agus chrìochnaich e 1-0. An ath-oidhche cluichidh iad an aghaidh sgioba à Nirribhidh, Hitra.

Feumar cuimhneachadh nach ann a-mhàin mu farpais a tha na geamannan seo, tha iad cuideachd mu leasachadh, ann an sgioba no gu pearsanta, agus tha ar lùth-chleasaichean agus an luchd snàmh air sealltainn cho daingeann sa dealasach sa tha iad a thaobh obair leasachaidh. Tha an Sgioba Snàmh air a dhèanamh fìor mhath le Ceitlin Russell Nic a’ Ghobhainn a’ toirt trì diogan deug bhon chlàr pearsanta as an 200m breaststroke. Thug Grant MacLeoig còig diogan bhon a’ chlàr pearsanta aigesan agus bu chòir iomradh a thoirt air Kathryn Offer a chrìochnaich 13 a-mach à 30 agus fhuair i air an ùine aice air a clàr pearsanta a thoirt sìos cuideachd.
Tuesday marked the first day of play for our local golfers comprising of Andy MacDonald, Norrie ‘Onions’ MacDonald, David Black and Kevin MacRae. Having had two great practise rounds on Sunday and Monday the boys were somewhat disappointed with today’s performance which took place at Åland’s King’s Course. Norrie and David both finished on 83 and both Andy and Kevin finished with 78. Today’s leaders Bermuda, finished on 71. Tomorrow the boys will complete a round at the nearby Castle Course, in beautiful surroundings. They are currently sitting in 8th position as a team after the first of a four day event.

‘B e Dimàirt a’ chiad là a bha an sgioba goilf a’ cluich, Andy Dòmhnallach, Tormod ‘Onions’ Dòmhnallach, Daibhidh Black agus Kevin MacRath. As dèidh a bhith a’ cluich dà chuairt Là na Sabaid agus Diluain a bha fìor mhath dhan a h-uile duine bha e na bhristeadh dùil dhaibh an-diugh nach do chluich iad cho math sa mhiannachadh iad aig Cùrsa an Rìgh ann an Åland. Chrìochnaich Daibhidh agus Tormod air 83 agus Andy agus Kevin air 78. ‘S ann le 71 a chrìochnaich an sgioba as fhèarr, Bermuda. An-diugh (Diciadain) cluichidh iad aig Cùrsa a’ Chaisteil, far a bheil seallaidhean bòidheach. Tha iad an-dràsta a’ suidhe as an ochdamh àite as dèidh a’ chiad là a-mach a ceithir.

Agus mu dheireadh an-drasta, tha Sgioba Urchaireachd nan Eilean Siar air trì làithean a chluich agus tha e gu math doirbh dhaibh sealltainn dìreach dè cho math sa dh’fhaodadh iad a bhith. Mar a mhìnich Dòmhnall Iain MacAonghais a tha anns an sgioba
“’S e targaidean eadar-dhealaichte a tha iad a’ cleachdadh an seo agus tha seo air fìor dhroch bhuaidh a thoirt air ìre cluiche na farpaisean. Chan eil duine seach duine againn a’ dèanamh cho math sin agus tha sinn uile as an aon suidheachadh”.